അവഗണന

ഈ അവഗണനയും ഒരുതരത്തിൽ ഒരു വേദന തന്നെയാണ്,

പരിഗണന ഇന്ന് കിട്ടും നാളെ കിട്ടുമെന്നൊക്കെ വിചാരിച്ചു വെറുതെ സമയം കളയാതെ, 

ആ വേദനയുടെ ആഴം മനസിലാക്കി,

അങ്ങട് അവരെയും അവഗണിക്കാൻ പഠിക്കണം..

പിന്നെ LIFE ഒക്കെ വളരെ SMOOTH ആയിരിക്കും!!!

           📚 RT QUOTES 📚

Dec 12 | പുൽക്കൂട് തേടി - ക്രിസ്തുമസ് പ്രതീക്ഷ

 

ദൂതൻ അവളോടു പറഞ്ഞു മറിയമേ നീ ഭയപ്പെടേണ്ട, ദൈവസന്നിധിയിൽ നീ കൃപ കണ്ടെത്തിയിരിക്കുന്നു; നീ ഗർഭം ധരിച്ച് ഒരു പുത്രനെ പ്രസവിക്കും; നീ അവന് യേശു എന്ന് പേരിടണം

(ലൂക്ക 1: 30-31)

 

ഒരു ഭയപ്പാട് അകലെ ദൈവമുണ്ടെന്ന പ്രതീക്ഷ, മനുഷ്യനെ പാപങ്ങളിൽ നിന്ന് മോചനം നൽകുന്നു. അനേകം പ്രവചനങ്ങളുടെ പൂർത്തീകരണം ആയിരുന്നു ക്രിസ്തുമസ്. ജീവൻറെ പുൽനാമ്പുകൾ പ്രതീക്ഷയുടെ പൊൻകിരണങ്ങൾ തൂകി, ഓരോ ക്രിസ്തുമസ് ദിനങ്ങൾ വന്നു ചേരുന്നു…

 

 ഓരോ ക്രിസ്മസും നമ്മെ ഓർമിപ്പിക്കുന്നത്,

 പ്രതീക്ഷയോടെ കാത്തിരുന്ന രക്ഷയുടെ ദിനങ്ങൾ

 സമാഗതമായിരിക്കുന്നു എന്നാണ്.

യേശുക്രിസ്തു നമ്മളോരോരുത്തരിൽ നിന്നും ആഗ്രഹിക്കുന്നത് എന്തെന്നാൽ…

 

ദാഹിക്കുന്നവന് ദാഹജലം എന്ന പ്രതീക്ഷയായി മാറാനും,

വേദനിക്കുന്നവന് വേദനസംഹാരി എന്ന പ്രതീക്ഷയായി മാറാനും,

പ്രതീക്ഷ നഷ്ടപ്പെട്ടവന് പ്രതീക്ഷയുടെ തൂവൽ സ്പർശമായി മാറാനും,

നമ്മൾ കഴിയണമെന്നാണ്…

 

കുഷ്ഠരോഗിക്ക് കുഷ്ഠം മാറുമെന്ന പ്രതീക്ഷ,

അന്ധന് കാഴ്ച ലഭിക്കും എന്ന പ്രതീക്ഷ,

സക്കായിക്ക് ക്രിസ്തുവിനെ കാണാൻ പറ്റുമെന്ന പ്രതീക്ഷ,

 

ഇവരെയൊക്കെ പോലെ,

 നമുക്കും പ്രതീക്ഷ ഉള്ളവരായി മാറാം…

പ്രതികൂലങ്ങളെ അനുകൂലങ്ങളാക്കി മാറ്റുന്നു

നല്ല ദൈവത്തിന് വന്നു പിറക്കുവാൻ നമുക്കോരോരുത്തർക്കും ഒരുങ്ങാം..

 

ദൈവം നമ്മെളെയെല്ലാം അനുഗ്രഹിക്കട്ടെ

Dec 11 | പുൽക്കൂട് തേടി - ക്രിസ്തുമസ് ട്രീ

 

എന്റെ ഹൃദയം കര്‍ത്താവില്‍ ആനന്‌ദിക്കുന്നു.എന്റെ ശിരസ്‌സ്‌ കര്‍ത്താവില്‍ ഉയര്‍ന്നിരിക്കുന്നു. എന്റെ അധരം ശത്രുക്കളെ പരിഹസിക്കുന്നു. എന്തൊല്‍, അവിടുത്തെ രക്‌ഷയില്‍ ഞാന്‍ ആനന്‌ദിക്കുന്നു.

(1 സാമുവല്‍ 2 : 1)

 

കാത്തിരുന്നു ക്ഷമ നശിക്കുമ്പോഴും, പ്രതീക്ഷയുടെ സൂര്യൻ ചക്രവാളങ്ങൾക്കപ്പുറം മുങ്ങിത്താഴുമ്പോഴും, കണ്ട സ്വപ്നങ്ങൾ എല്ലാം കണ്ണുനീർ മണികളായി അടരുമ്പോഴും,  കാത്തിരിക്കുവാൻ, പ്രതീക്ഷ നൽകുവാൻ, കണ്ണുനീർ മുത്തുകളെ കോർത്തിണക്കുവാൻ, പച്ചകെടാതെ വളരുന്ന പ്രാർത്ഥനാജീവിതം ഉണ്ടാകണമെന്ന ഓർമ്മപ്പെടുത്തലാണ് ക്രിസ്മസ് ട്രീകൾ പറഞ്ഞു വെയ്ക്കുന്നത്.

ഭൂമി സ്വർഗ്ഗത്തെ നോക്കി കൈകൂപ്പി പ്രാർത്ഥിക്കുന്ന പോലെ, കോടമഞ്ഞിന്റെ തണുപ്പിൽ തളരാതെയും, ശീതക്കാറ്റിൽ ഇളകി തെറിച്ചാലും ശോഭ കെടാതെയും, ഈ ട്രീകൾ ഭൂമിയിൽ നിന്ന് സ്വർഗ്ഗത്തെ കാട്ടി നമ്മളോട് ചില ചോദ്യങ്ങൾ ചോദിക്കുന്നുണ്ട്..

നീ എന്നാണ് ആത്മാർത്ഥമായി സ്നേഹത്തോടെ, ഭക്തിയോടെ കൈകൂപ്പി ക്രിസ്തുവിനെ നോക്കിയിട്ടുള്ളത്?

നീ എന്നെങ്കിലും നിൻറെ നേരെ കൈകൂപ്പുന്നവരെ പരിഗണിച്ചിട്ടുണ്ടോ?      നീ എന്നെങ്കിലും മറ്റുള്ളവരുടെ ആവശ്യങ്ങൾ തിരിച്ചറിഞ്ഞിട്ടുണ്ടോ?

 ഇല്ല എന്നാണെങ്കിൽ,

ക്രിസ്മസ് ട്രീ കാട്ടിത്തരുന്ന പോലെ,

ദൈവത്തെ ആത്മാർത്ഥതയോടെ സ്നേഹിച്ച്, ആരാധിച്ചു,

മറ്റുള്ളവരുടെ ആവശ്യങ്ങളിൽ സഹായമായി,

പ്രതീക്ഷയുടെയും പ്രത്യാശയുടെയും ട്രീ ആയി മാറി

ഈ ക്രിസ്തുമസ് കാലം അനുഗ്രഹീതമായി മാറ്റാം നമുക്കോരോരുത്തർക്കും

 

ദൈവം നമ്മെളെയെല്ലാം അനുഗ്രഹിക്കട്ടെ

Dec 10 | പുൽക്കൂട് തേടി - ക്രിസ്തുമസ് കാർഡ്

 

ദൂതന്‍ അവരോടു പറഞ്ഞു: ഭയപ്പെടേണ്ടാ. ഇതാ, സകല ജനത്തിനുംവേണ്ടിയുള്ള വലിയ സന്തോഷത്തിന്റെ സദ്വാര്‍ത്ത ഞാന്‍ നിങ്ങളെ അറിയിക്കുന്നു. 

(ലൂക്കാ 2 : 10)

ഇടയന്മാരെ സദ്‌വാർത്ത അറിയിച്ച ദൂതനെ പോലെയാണ് ക്രിസ്തുമസ് കാർഡുകൾ, അവ എന്നും മനുഷ്യരുടെ ഹൃദയങ്ങളുടെ അകലം കുറച്ച്, വിള്ളലുകൾ തുന്നിച്ചേർത്ത്, സന്തോഷവും, സ്നേഹവും, സമാധാനവും സഹോദരങ്ങളിൽ നിറയ്ക്കുന്നു.
 
ആയതിനാൽ ക്രിസ്തുമസ് കാർഡും നമ്മളോട് ചിലതൊക്കെ ചോദിക്കുന്നുണ്ട്,
 
അപരന്റെ  ജീവിതത്തിൽ വർണ്ണ ശോഭയുടെ നിറപുഞ്ചിരി വിതറുവാൻ നമുക്കൊക്കെ സാധിച്ചിട്ടുണ്ടോ,
അപരന്റെ ജീവിതത്തിൽ അകലം കുറച്ച് വിളളലുകൾ തുന്നിചേർക്കാൻ നമുക്കൊക്കെ സാധിച്ചിട്ടുണ്ടോ,
 
ഇതുവരെയും ഇല്ല എന്നാണെങ്കിൽ,
 
എല്ലാ മനുഷ്യരുടെയും ജീവിതങ്ങളിൽ വർണ്ണശോഭയുടെ നിറപുഞ്ചിരി വിതറുവാൻ നമ്മുക്ക് സാധിക്കണം
അതുവഴി മറ്റുള്ളവരുടെ ഹൃദയങ്ങളിലെ വിള്ളലുകൾ തുന്നിചേർത്ത്, ഹൃദയത്തിൻറെ അകലങ്ങളെ അടുപ്പിക്കുന്ന സദ്‌വാർത്തയുടെ
വർണ്ണപ്രഭ നിറയുന്ന ജീവനുള്ള സഞ്ചരിക്കുന്ന ക്രിസ്തുമസ് കാർഡുകളായി മാറാൻ നമ്മുക്ക് ഓരോരുത്തർക്കും ശ്രമിക്കാം.

 

ദൈവം നമ്മെളെയെല്ലാം അനുഗ്രഹിക്കട്ട

Dec 09 | പുൽക്കൂട് തേടി - ക്രിസ്തുമസ് റോസ്സസ്

 

പ്രത്യാശയുടെ ദൈവം നിങ്ങളുടെ വിശ്വാസത്താല്‍ സകല സന്തോഷവും സമാധാനവും കൊണ്ടു നിങ്ങളെ നിറയ്‌ക്കട്ടെ! അങ്ങനെ, പരിശുദ്‌ധാത്‌മാവിന്റെ ശക്‌തിയാല്‍ നിങ്ങള്‍ പ്രത്യാശയില്‍ സമൃദ്‌ധി പ്രാപിക്കുകയും ചെയ്യട്ടെ!

(റോമാ 15 : 13)

 

റോസാപ്പൂക്കൾ എന്നും എപ്പോഴും പ്രത്യാശയുടെയും, സൗന്ദര്യത്തിന്റെയും, പ്രതീക്ഷയുടെയും പ്രതീകങ്ങളാണ്. ആത്മീയ പുണ്യങ്ങളുടെ നിറവിൽ വിരിയുന്ന റോസാപൂക്കൾ, ആഗമന കാലത്തിൻറെ വരവറിയിക്കുന്നവയാണ്.

 ബൈബിളിലെ യേശുവിന്റെ പേരുകളിലൊന്ന് ഷാരോണിന്റെ റോസാപ്പൂവ് എന്നാണു,

 

ഷാരോണിലെ പനിനീര്‍പ്പൂവാണു ഞാന്‍. താഴ്‌വരകളിലെ ലില്ലിപ്പൂവ്‌.

(ഉത്തമഗീതം 2 : 1)

 

ക്രിസ്തുമസ് റോസാപ്പൂക്കൾ നമ്മളോട് ചിലതൊക്കെ ചോദിക്കുന്നുണ്ട്

 

ആത്മീയ പുണ്യങ്ങളുടെ നിറവിൽ വിരിയുന്ന റോസാപ്പൂക്കൾ ആയിത്തീരുവാൻ നമ്മുക്കൊക്കെ സാധിച്ചിട്ടുണ്ടോ,

അപരന് പ്രത്യാശയുടെ അല്ലെങ്കിൽ പ്രതീക്ഷയുടെ പൊൻകിരണങ്ങൾ ആയി തീരുവാനായിട്ട് നമുക്കൊക്കെ സാധിച്ചിട്ടുണ്ടോ.. 

ഇതുവരെയും ഇല്ലാ എന്നാണെങ്കിൽ,

ആത്മീയ വളർച്ച അനുഭവപ്പെടുന്ന ഈ കാലഘട്ടത്തിൽ ആത്മീയതയുടെ പൊൻകിരണങ്ങൾ എല്ലാവരിലും എത്തപെടുവാനും,

പുണ്യങ്ങളുടെ റോസപ്പൂക്കൾ എല്ലാവരുടെയും ഹൃദയങ്ങളിൽ വിരിയിക്കുവാനും നമ്മുക്ക് ഓരോരുത്തർക്കും സാധിക്കണം.

 

 

ദൈവം നമ്മെളെയെല്ലാം അനുഗ്രഹിക്കട്ടെ

Dec 08 | പുൽക്കൂട് തേടി - ക്രിസ്തുമസ് ഔഷധം

 

“എന്റെ ശരീരം ഭക്ഷിക്കുകയും എന്റെ രക്തം പാനം ചെയ്യുകയും

ചെയ്യുന്നവൻ എന്നിലും ഞാൻ അവനിലും വസിക്കുന്നു.

(യോഹന്നാൻ 6 : 56)

 

സ്വർഗീയ പിതാവ് ഉത്ഭവ പാപം നീക്കി,

മാതാവ് വഴി ഈ ലോകത്തിനു നൽകപ്പെട്ട ദിവ്യ ഔഷധമാണ് ക്രിസ്തു.

ക്രിസ്തു തന്റെ പീഡാനുഭവ ദിനങ്ങളിൽ,

തന്റെ പിതാവ് സ്നേഹിച്ച മനുഷ്യർക്കായി,

തന്റെ തിരുശരീര രക്തങ്ങൾ,

ഭക്ഷിക്കാനും, പാനം ചെയ്യാനുമായി ദിവ്യകാരുണ്യം നൽകി.

ക്രിസ്തു തന്റെ പിതാവിന്റെ സന്നിധിയിലേക്ക് പോയെങ്കിലും,

ഇന്നും നമ്മുടെ ഇടയിൽ ദിവ്യ ഔഷധമായി ദിവ്യകാരുണ്യം ജീവിക്കുന്നു.

 

ദിവ്യകാരുണ്യമാകുന്ന ദിവ്യൗഷധം നമ്മോട് ചോദിക്കുന്നുണ്ട് ചിലത്,

 

ജീവിതത്തിൽ എത്രയോ ദിവസങ്ങളിൽ, അവസരമുണ്ടായിട്ടും ദിവ്യകാരുണ്യ ഈശോയെ സ്വീകരിക്കാതിരുന്നിട്ടില്ലേ നാമൊക്കെ?

ഈ തിരുപിറവി നാളിലെങ്കിലും പ്രാർത്ഥനയോടെ, കുമ്പസാരിച്ച്, കൊതിയോടെ ദിവ്യകാരുണ്യ ഈശോയെ സ്വീകരിക്കാൻ നമുക്കാവുമോ?

 

ദിവ്യൗഷധമായ ദിവ്യകാരുണ്യം കൊതിയോടെ സ്വീകരിക്കാൻ,

പ്രാർത്ഥനയുടെ സ്നേഹച്ചൂടിൽ അണുവിമുക്തമാക്കപ്പെട്ട്,

ഒപ്പം കുമ്പസാരത്താൽ ശുദ്ധീകരിക്കപ്പെട്ട്,

ഈ ക്രിസ്തുമസ് കാലത്തെ നമ്മുക്ക് വരവേൽക്കാം!!!

 

 

ദൈവം നമ്മെളെയെല്ലാം അനുഗ്രഹിക്കട്ടെ